Santalices recibe á correspondente económica da Comisión Europea en España

- Trasladoulle a dispoñibilidade do Parlamento de Galicia para colaborar na divulgación das políticas comunitarias

Santiago, 6 de xullo de 2016.- O presidente do Parlamento de Galicia, Miguel Ángel Santalices Vieira, recibiu esta mañá, no seu despacho da Cámara, á correspondente económica da Representación da Comisión Europea en España, Ann Westman, que posteriormente compareceu ante a Comisión Permanente non Lexislativa para Asuntos Europeos.

Durante o encontro, Santalices interesouse polo traballo que desenvolve a Representación da Comisión Europea en España e trasladoulle a dispoñibilidade do Parlamento de Galicia para colaborar na divulgación das políticas comunitarias.
 

Saúdos,
Gabinete de Comunicación do Parlamento de Galicia.

Imaxes relacionadas