Acordos aprobados na reunión da Comisión 4ª, Educación e Cultura, celebrada o 17 de marzo de 2026

​

A  Comisión 4ª, Educación e Cultura, na súa sesión do 17 de marzo de 2026, adoptou os seguintes acordos:

Procedementos de control e impulso

Proposicións non de lei en Comisión

Aprobación sen modificacións

- 50347 (12/PNC-003920)

Grupo Parlamentario Popular de Galicia

Grueira Fernández, Nicole e 9 máis

Sobre a demanda dirixida ao Goberno galego co fin de que promova un Pacto de Estado polo futuro da xuventude

BOPG n.º 337f1, do 20.02.2026

Sométese a votación e resulta aprobada sen modificacións por 9 votos a favor, 0 votos en contra e 7 abstencións.

O texto aprobado é o seguinte:

"O Parlamento de Galicia insta á Xunta de Galicia a:

1.- Promover a posta en marcha dun Pacto de Estado polo Futuro da Xuventude, baseado no diálogo e no consenso político e social, que permita articular políticas públicas coordinadas, estables e a longo prazo en materia de xuventude. E garantir a dotación de recursos suficientes e a coordinación interadministrativa para a implementación efectiva de políticas de emprego, formación, vivenda, mobilidade e participación xuvenil en todo o territorio estatal.

2.- Impulsar a participación das comunidades  autónomas no deseño e desenvolvemento deste pacto, garantindo o respecto ao marco competencial e a cooperación institucional.

3.- Incorporar aos axentes sociais, educativos e económicos, así como ás organizacións xuvenís, no proceso de elaboración do Pacto de Estado, co obxectivo de responder de maneira eficaz ás necesidades reais da mocidade.

4.- Establecer mecanismos de avaliación e seguimento das medidas incluídas no devandito pacto, que aseguren a súa eficacia, sustentabilidade e impacto real na mellora das condicións de vida da xuventude."

Aprobación con modificacións

- 38665 (12/PNC-003377)

Grupo Parlamentario Socialista de Galicia

Bouza Manso, Aitor e Longueira Castro, Silvia

Sobre diversas medidas que debe desenvolver a Xunta de Galicia para garantir a atención á diversidade e a educación inclusiva en todos os centros educativos de Pontedeume

BOPG n.º 286f2, do 19.11.2025

Sométese a votación por puntos co seguinte resultado:

Punto 1: aprobado pola unanimidade dos 16 deputados e deputadas presentes.

Puntos 2, 3, 4 e 5 (emenda do G.P. do Bloque Nacionalista Galego, doc. núm. 51991) rexeitados por 7 votos a favor, 9 votos en contra e 0 abstencións:

O texto aprobado é o seguinte:

"O Parlamento galego insta a Xunta de Galicia a garantir, de forma inmediata, a cobertura de todas as prazas de profesorado especialista necesarias nos centros educativos de Pontedeume, incluíndo coidadores/as, mestres de Pedagoxía Terapéutica, Audición e Linguaxe, profesionais de apoio educativo e persoal de orientación."

Aprobación por unanimidade sen modificacións

- 50378 (12/PNC-003926)

Grupo Parlamentario Popular de Galicia

Vázquez Suárez, Cecilia e 8 máis

Sobre as demandas que a Xunta de Galicia debe trasladar ao Goberno central respecto do conflito xurdido co Programa de auxiliares de conversa

BOPG n.º 337f1, do 20.02.2026

Sométese a votación e resulta aprobada sen modificacións pola unanimidade dos 16 deputados e deputadas presentes.

O texto aprobado é o seguinte:

"O Parlamento de Galicia insta á Xunta de Galicia a que solicite ao Ministerio de Traballo e Economía Social e, de novo, ao Ministerio de Educación:

1. Que adopte de maneira inmediata as medidas necesarias para dar unha solución ao conflito xurdido co programa de Auxiliares de Conversa, garantindo a súa continuidade en toda España.

2. Que ambos ministerios se coordinen co obxectivo de establecer un marco xurídico e laboral claro, estable e común para todas as comunidades autónomas, que   dea   seguridade   ás   administracións educativas e evite interpretacións dispares por parte da Inspección de Traballo.

3.Que calquera decisión que se tome asegure que non se repercutan custos extraordinarios para a Xunta de Galicia, que xa financia case na súa totalidade o programa."​