Parlamento de Galicia
Parlamento de Galicia
Grupo Parlamentario dos Socialistas de Galicia
Circunscrición electoral:
Teléfono: 981 551 530
Biografía:
É licenciada en Económicas pola Universidade de Santiago de Compostela e MBA en Dirección de Empresas polo Instituto de Estudos Superiores da Empresa (IESE).
En decembro de 1983 comeza a traballar no INSALUD como técnica de xestión, onde desempeña o seu traballo ata setembro de 1984, en que é contratada pola Oficina de Promoción Industrial do Concello de Vigo. Esta oficina, con motivo da reindustrialización da comarca de Vigo, convértese na oficina da ZUR, e intégrase como técnico dela e con posterioridade, en xaneiro de 1987, como responsable.
O 29 de abril de 1988 é nomeada presidenta da
Tras o seu cesamento incorpórase ao Instituto Galego de Medicina Técnica, onde permanece dous anos, para incorporarse como directora financeira administrativa da empresa Rodman Polyships SAU en xullo do 1998, onde asume a responsabilidade de adxunta á Presidencia do Grupo de Empresas Rodman en maio do 2002.
En abril de 2004 é nomeada ministra de Agricultura, Pesca e Alimentación do primeiro goberno de José Luis Rodríguez Zapatero; e catro anos máis tarde, ministra de Medio Ambiente, Medio Rural e Mariño, cargo que ocupou ata o 20 de outubro de 2010.
Foi deputada nas Cortes Xerais por Ourense do 9 de marzo de 2008 a 20 de novembro de 2011. Pouco despois incorporouse á empresa onde traballaba con anterioridade ao seu nomeamento, como adxunta á presidencia do Grupo Rodman e vicepresidenta dos consellos de administración de Rodman Polyships SAU e Metalships&Docks SAU. Deixa a empresa privada a principios de maio de 2019.
Ata marzo de 2024 foi conselleira de Renfe Viaxeiros Sociedade Mercantil Estatal SA e vogal do pleno do Consorcio da Zona Franca de Vigo.
Actualmente é tenente alcaldesa do Concello de Vigo, tendo delegadas as áreas de Emprego, Fondos Europeos, Patrimonio, Medio Ambiente, Educación, Deportes e Xuventude.
